A asociación compostelá ASPAS, campioa nacional de fútbol sala de nivel 2

Desde a entidade compostelá destacan o valor do logrado polos seus deportistas e comparten a súa alegría: “Un orgullo enorme polo esforzo, o compañeirismo e a ilusión que demostraron en cada partido”.

Asociación de Pais de Persoas con Discapacidade Intelectual (ASPAS) agradeceu tamén o apoio recibido desde as bancadas e recoñeceu o labor organizativo de Special Olympics Galicia. A asociación lembra que o deporte é, para eles, unha ferramenta de inclusión, superación e alegría, valores que o equipo puxo en práctica durante toda a competición e cos que lograron facer historia.