Pilar Lueiro comproba a evolución das obras Pajuela-Campo da Festa de Marrozos
Concretamente, Pilar Lueiro explicou que o goberno que preside Goretti Sanmartín acaba de acordar a adxudicación do contrato de obras de execución do proxecto de ampliación da plataforma do viario entre Cañoteira e Outeiro de Marrozos por un importe 351.420 euros, encadrado na segunda fase do Plan Único da Deputación Provincial da Coruña.
Líder Redacción
21 de noviembre de 2024 a las 10:47
A concelleira de Rural, que estivo acompañada de representantes veciñais, destacou que esta intervención permitirá a ampliación dun viario municipal para mellorar a circulación de vehículos e persoas nun tramo da traza da Ruta da Prata (Camiño de Santiago). Os representantes veciñais trasladaron un retorno positivo da evolución das obras.
“Queremos un concello no que a parte urbana e o rural vaian da man, unha Compostela orgullosa de si, boa de vivir, con servizos públicos para toda a veciñanza”, defendeu Pilar Lueiro, quen lembrou tamén os 3,5 millóns de euros para melloras de saneamento e abastecemento incluidos no acordo marco para a construción do aparcamento do Hospital Clínico de Santiago entre o Concello e a Xunta.
REFORMA DO VIAL PAJUELA-CAMPO DA FESTA
Estas obras, con 448.450,20 euros de orzamento con cargo ao Plan Único de Concellos da Deputación da Coruña, tiveron como obxectivo a mellora do espazo dispoñible no viario municipal que transcorre dende A Pajuela e que segue ata o Campo da festa de Marrozos, mediante o seu acondicionamento con actuacións de pavimentación e formación de cuenta transitable en ambas marxes.
Tamén se fixeron actuacións de mellora da seguridade viaria, coa execución de cuentas de seguridade transitables en ambas as marxes da estrada. Asemade, a actuación tamén supuxo a colocación dunha barreira de seguridae, de varnda e de malla de aceiro na ponte, pintado da sinalización horizontal e colocación de sinais verticais.
As actuacións deste proxecto incluíron a canalización de 1.390 metros de tubo plástico, cos seus respectivos sumidoiros e arquetas para a recollida de pluviais e a canalización de 1.885 metros para alumeado público.
