O PSOE compostelán reclama dilixencia na limpeza de pintadas e graffitis no espazo público

• A edil socialista Mila Castro advirte de que este tipo de actos se están a incrementar sobre as fachadas privadas, e pregunta se está en funcionamento o servizo gratuíto habilitado no 2021 para atender solicitudes de limpeza de particulares

Santiago de Compostela, 17 de febreiro de 2024. O Grupo Municipal Socialista advirte dun incremento de pintadas e graffitis no espazo público, sobre todo no ámbito do casco histórico. Así o fixo Mila Castro, logo de recibir diferentes denuncias de veciñas e veciños que advirten desta situación, que se está a intensificar, sobre todo, nas fachadas privadas. Ante isto, a edil socialista preguntará polo servizo gratuíto que se puxera en marcha no 2021 para atallar este tipo de pintadas e atender solicitudes de limpeza de particulares.

“É un servizo que funcionou moi ben, chegando a atender arredor de 10 pintadas por semana e que permitía actuar nesas fachadas privadas” explica Castro, quen xa preguntara por esta cuestión en abril do 2024. Desde entón, insiste, non só non percibiron “pasos adiante” senón que a situación de “descoidado dos espazos públicos foi a máis”. Lembra, neste sentido, que a pesar de que no pleno desde mes de abril de hai case un ano, a tenente de alcaldesa, María Rozas, cualificou este servizo de “interesante” pero, desde aquela, “non tivemos noticias sobre o obradoiro de emprego co que se canalizaban estas actuacións”.

Este programa de actuación sobre fachadas privadas a instancia dos par8culares puxérao en marcha o goberno socialista en outubro de 2021 ligado, precisamente, a programas da concellería de Emprego. Un servizo que, lembran desde as filas socialistas, no 2023 realizou máis de 300 actuacións.

Agora, reclaman coñecer se houbo avances para darlle continuidade a este programa e queren coñecer os plans do execu8vo de Sanmartín para poder actuar sobre estes espazos nos que non pode facelo o servizo ligado á empresa responsable da concesión de limpeza viaria, sobre a que, en todo caso, piden “maior control” para garantir que “nas fachadas de dominio público non aparecen este tipo de pintadas”.

Mila Castro que insiste en que, a limpeza destes graffitis, é “moi importante” para “evitar danos na estética dos espazos urbanos, manter uns espazos públicos limpos e de calidade e, tamén, para reforzar a sensación de seguridade nesas contornas”.