Vedra foi muller… durante o mes de marzo
Líder Redacción
8 de abril de 2024 a las 20:48
- Éxito da súa campaña “nos facemos historia, mulleres visibles aquí e agora»
A Área de Muller e Igualdade desenvolveu durante todo o mes de marzo unha programación centrada na visibilización da necesidade dunha igualdade efectiva e real. Algo que desde o Concello de Vedra traballan ao longo de todo o ano.
De entre todas elas, destaca a campaña nas redes sociais titulada “Nós facemos historia, Mulleres visibles aquí e agora”.
Unha iniciativa que buscou a visibilidade de mulleres que coas súas historias, proxectos e percorridos vitais representaron a diversidade de mulleres, a posta en valor do seus papeis incuestionable do concello.
Cada un dos trinta e un días do mes ás 12 horas nas redes sociais municipais publicabase unha imaxe cun pequeno texto das vidas, profesións , aficcións, coidados.
A campaña tivo un enorme éxito, tanto de seguimento como de participación, con 81.657 visualizacións en total, 1848 me gustas entre as 31 publicacións que foron compartidas 111 veces. Dende logo acadouse o obxectivo da visibilización así como o de espertar conciencias. Dende a organización agradecen enormemente a cada unha das mulleres participantes pola súa colaboración.
Pero foron moitas máis as actividades realizadas durante este período como:
- Un acto de recoñecemento que baixo o lema Vedra é Muller honrou a todas as avoas do Concello de Vedra o 8 de marzo .
- Coa II Andaina no camiño da Igualdade organizada conxuntamente polos concellos de BOQUEIXÓN, TOURO E VEDRA, que a pesares do mal tempo contou con case un centear de participantes)
- O obradoiro de risoterapia “Ai que me mexo” Risas na Terra, unha oportunidade práctica de risas e xestión das emocións, celebrado na biblioteca municipal.
- Un Foro de saúde sexual e menstrual para mulleres, centrado no tema das diferentes etapas da vida sexual dunha muller dende a infancia ata a vellez , explicando o que ocorre no corpo nos diferentes momentos vitais.
- Unha Marimba de Contos pola Igualdade na Ludoteca o mesmo 8 de marzo.
