Traballos de poda en Padrón

• O obxectivo é protexer as árbores senlleiras do municipio e reducir os riscos ante situacións meteorolóxicas adversas de vento e de chuvia

Padrón. 13-11-2023.- O Concello de Padrón realizou estes días diferentes traballos de poda co obxectivo de protexer as árbores senlleiras do municipio e reducir os riscos ante situacións meteorolóxicas adversas de vento e de chuvia.

Esta poda levouse a cabo de xeito respectuoso baixo asesoramento técnico especializado e conforme a criterios científicos que reducen o risco de lesións para as árbores.

O Concello vai seguir traballando na conservación en na protección das nosas árbores pois o goberno local as considera elementos fundamentais dos seus espazos máis recoñecibles.