O PP reclámalle ao Goberno que leve a cabo a roza da maleza no rural compostelán

• Ante o desleixo do grupo de Goberno, a concelleira popular, Nerea Barcia, soliciou o “suposto” calendario de rozas e ”o que recibimos foi unha “lista da compra” (*Ver imaxe), xa que nela só aparece unha relación de nomes de parroquias, que non especifica nada máis”.
• Cabe sinalar, que a falta de atención é moi evidente, simplemente con visitar as zonas do rural pódese contemplar como hai espazos cheos de maleza, beirarrúas intransitables e marquesiñas inutilizadas, ao estár cheas de herbas.
• Barcia remarca que “esta situación representa un perigo para as persoas, a parte de ser unha contaminación visual do noso rural”.

O Partido Popular de Santiago, a través da concelleira, Nerea Barcia, denuncia a falta de roza na maioría das zonas do rural compostelán por parte dos servizos do Concello. “Nos últimos meses, a capital de Galicia está padecendo un serio problema de limpeza, tanto nas zonas urbanas como no medio rural, polo que son numerosas as queixas dos veciños e veciñas que se levan rexistradas sobre este asunto”, subliñou.

Despois de que os populares preguntasen ao Goberno do BNG sobre o motivo polo que non se están a realizar estes traballos, as desculpas seguen chamando á atención, xa que, segundo o Goberno nacionalista, “se está a traballar e hai un contrato de servizos de roza, pero o crédito orzamentario xa se esgotou”,

Ante o desleixo do grupo de Goberno, Nerea Barcia solicitou o “suposto” calendario de rozas e o que recibiu foi unha “lista da compra”, xa que, na información aportada, só aparece unha relación de nomes de parroquias, que non especifica nada máis.

A concelleira popular, pregúntase “se realmente ese é o calendario de traballos, posto que non se sinalan nin os prazos, nin se xustifica o gasto da partida correspondente a estas tarefas”.

Cabe sinalar, que a falta de atención é moi evidente, simplemente con visitar as zonas do rural pódese contemplar como hai espazos cheos de maleza, beirarrúas intransitables e marquesiñas inutilizadas, ao estár cheas de herbas, “unha situación que representa un perigo para as persoas, a parte de ser unha contaminación visual do noso rural”, destacou a popular.

Desde o Partido Popular de Santiago, reclamámoslle aos nacionalistas que visiten máis o rural compostelán e atendan as petición da veciñanza, posto desde a última reunión mantida coa concelleira de Medio Rural, “nada sabemos do que está a contecer coas rozas e o mantemento do rural de Santiago”.