O Teatro Principal acolle este luns unha charla para analizar o conflito en Gaza

 

 

O codirector do IECAH, Jesús Núñez Villaverde, e a directora do Comité Español de UNRWA, Raquel Martí, serán os expertos invitados, que tamén terán un encontro informativo cos medios de comunicación na mañá do luns (12 horas, hotel Araguaney)

A Fundación Araguaney-Puente de Culturas e o Comité Español de UNRWA (Axencia da ONU para refuxiados palestinos) celebrarán mañá luns, 15 de xaneiro, a charla “Palestina: dereitos en risco, humanidade en acción”, en colaboración co Concello de Santiago. O evento comezará ás 19:30 horas no Teatro Principal de Santiago, con entrada gratuíta previa retirada de invitación ese mesmo día na billeteira a partir das 17:30 horas.

A charla contará coa participarán de dous destacados expertos, o codirector do Instituto de Estudos sobre Conflitos e Acción Humanitaria (IECAH), Jesús Núñez Villaverde, e a directora do Comité Español de UNRWA, Raquel Martí. De forma previa á xornada, ás 12:00 horas no salón Rahid do hotel Eurostars Araguaney de Santiago, celebrarase un encontro informativo con xornalistas, onde os convidados explicarán como está actualmente a situación en Gaza e a evolución do conflito.

Na xornada da tarde no Teatro Principal, ambos expertos establecerán un diálogo para analizar o contexto xeopolítico de Palestina, destacando os desafíos persistentes que enfronta a súa poboación e examinando de preto a situación de emerxencia humanitaria da franxa de Gaza, onde xa hai máis de 22.000 palestinos mortos e máis de 57.000 feridos.

Jesús Núñez aportará un enfoque xeopolítico da situación sobre o terreo na rexión de Gaza. O experto en relacións internacionais explica que para paliar a situación será preciso tomar o dereito internacional como vara de medida e, por tanto, condenar a quen o viole, sexa Hamás ou Israel; demandar un inmediato algo ao fogo; reforzar a axuda internacional para mitigar no posible as enormes carencias que está sufrindo a poboación de Gaza e Cisjordania; reforzar a UNRWA para que poida cumprir a súa tarefa de asistencia a poboación palestina refuxiada; e insistir en que o que fixo Hamás non serve á causa palestina e o que está a facer o primeiro ministro Netanyahu tampouco serve aos intereses de Israel.

Pola súa parte, Raquel Martí sinala que o que está a pasar en Gaza traspasa xa calquera descrición do horror e a barbarie. “Israel está utilizando la comida, el agua, el combustible, las comunicaciones y la ayuda humanitaria como arma de guerra” –asegura–. Ademais, a directora do Comité Español de UNRWA engade que actualmente non están entrando o número de camións necesarios para atenuar a situación perentoria de dous millón de persoas. “Los bombardeos constantes están impidiendo que podamos llegar a las personas que necesitan la ayuda humanitaria, que llevan días sin poder comer y no tienen acceso a agua potable, con los hospitales colapsados” –afirma–.

Segundo os últimos datos, Martí apunta que o 85 % da poboación de Gaza xa está desprazada internamente, e mesmo 1,4 millóns de persoas refuxiáronse nas instalacións de UNRWA pero, nin sequera estes refuxios da axencia humanitaria son lugares seguros. “Los ataques israelíes afectan tanto a infraestructuras civiles como hospitales, escuelas o instalaciones de las Naciones Unidas. No hay ningún lugar seguro ya en la franja de Gaza” lamenta–.