O Concello de Arzúa inicia obras de mellora en camiños da parroquia de Santa María

A intervención inclúe a reparación dos puntos deteriorados do firme e a renovación da capa de rodaxe mediante tratamento asfáltico. Así mesmo, executarase unha rede de pluviais de preto de 95 metros, destinada a canalizar correctamente as augas da choiva e evitar a acumulación de auga no camiño.

Os traballos complétanse coa limpeza das gabias ao longo de todo o trazado e coa reposición dun pequeno tramo de pavimento de formigón, contribuíndo a mellorar as condicións de circulación e a conservación do vial.

Esta actuación forma parte dun proxecto máis amplo de mellora da rede viaria na parroquia de Santa María, que contempla tamén a intervención no camiño entre Fonxe e Agra de Vales. Unha vez rematados os traballos neste punto, as obras continuarán nese treito, onde se renovará o firme ao longo de máis de 600 metros e se realizarán tarefas de limpeza das gabias