Luis Penido celebra o seu 30º aniversario de traxectoria deportiva competindo en Austria
O 13 de abril de 1996, no Rali de Noia, marcou o inicio da fructífera carreira deportiva do Luis Penido Rally Team no automobilismo. Trinta anos despois, e tras competir en máis de 200 probas automobilísticas, Luis Penido sigue dando guerra.
Líder Redacción
16 de abril de 2026 a las 22:30
Tras unha tempada 2025 histórica para o equipo compostelán e para o automobilismo galego, co título continental no Campionato de Europa de Montaña dentro do Grupo 5 (FIA European Hillclimb Championship – eHC), Luis Penido e o seu equipo inician a tempada 2026 en Rechberg (Austria) na primeira proba do FIA eHC os días 24 ao 26 de abril, facendo unha escala previa en Bolzano (Italia) para recoller o seu flamante Renault Clio Cup EVO, que tantas ledicias deu ao equipo o ano pasado, despois da posta a punto do vehículo polo preparador italiano Bicciato.
En palabras do piloto santiagués, Luis Penido, «comenzamos o 2026 coa moral a tope, tralo recoñecemento como Deportista de Alto Nivel polo Conselo Superior de Deportes, e sairemos a dalo 100% dende o primeiro momento da tempada, como é costume en nos, para competir contra os mellores pilotos de Europa da especialidade nesta proba austríaca, que é considerada como unha das probas de montaña máis exixentes de Europa».
