Penido afronta en Chequia unha das citas máis esixentes do Europeo de Montaña

• O piloto compostelán lidera o Grupo 5 do FIA EHC e regresa á rampa onde fixo o récord da categoría en 2025.

Tras un arranque de tempada impecable, Luis Penido e o seu equipo diríxense á República Checa para disputar, este próximo fin de semana (6-7 de xuño) a 44ª edición da subida Ecce Homo Šternberk, cuarta cita puntuable do Campionato de Europa de Montaña da FIA (EHC). O piloto galego acude defendendo a súa condición de líder provisional do Grupo 5.

O desafío técnico será máximo. O mítico trazado checo conta cunha lonxitude de 7.800 metros, unha anchura mínima de 7 metros e un desnivel de 307 metros, caracterizándose por ser unha das rampas máis rápidas e esixentes de todo o certame continental.

Esta tempada, o Grupo 5 consolidouse como un dos grupos máis espectaculares e con máis participantes do campionato continental. Lonxe de ser un trámite, a grella presenta unha competitividade feroz debido ao elevado número e a calidade dos competidores, congregando aos mellores especialistas e campións vixentes de cada país. Šternberk trae bos recordos para a estrutura galega. En 2025, Penido non só logrou a vitoria ao mando do Renault Clio RS Cup Evo, senón que batíu o récord histórico do Grupo 5. Non obstante, revalidar o triunfo esixirá a máxima concentración. O seu principal rival volverá a ser o veloz piloto local, Bejda, con quen mantén unha intensa rivalidade nos postos altos da clasificación xeral do campionato. O precedente máis directo vivíuse na Rampa da Falperra (Portugal), onde Penido adxudicouse a vitoria por unha diferenza mínima de só 1 segundo e 19 milésimas fronte ao checo. Pero, seguramente, haberá tamén outros invitados a loitar polos postos de podio entre os 11 pilotos do grupo.

«Voltamos a un circuíto que nos fascina e onde logramos o récord o ano pasado. Chegamos ao fronte da clasificación, pero o nivel deste ano no Grupo 5 é incrible; están os mellores de cada país. Bejda corre en casa, coñece cada milímetro dos 7,8 quilómetros e conta cunha gran montura. Saldaremos a por todas desde a primeira manga».

As mangas de adestramentos oficiais comezarán o sábado, dando paso o domingo ás dúas subidas de carreira definitivas. Os tempos en vivo poderanse seguir a través da plataforma oficial de FIA Hillclimb Chronomoto.