De Ninghures e Ortiga sorprenden co lanzamento de ‘RosaLinda’
Santiago de Compostela, 5 de setembro de 2025.- Xa está dispoñible RosaLinda, a primeira colaboración que asinan dous dos proxectos musicais máis destacados da escena galega: De Ninghures e Ortiga. Da mixtión entre as raíñas das feiras e o rei das verbenas agroma esta peza bailable e luminosa, na que o amor fía e reborda cada compás e que se presenta como a canción do verán que chega en setembro. A peza acompáñase dun videoclip dirixido por Lorenzo Negueruela e que se pode ver na canle de Youtube de De Ninghures.
Líder Redacción
5 de septiembre de 2025 a las 13:29
No campo da festa conflúen os elementos máis recoñecibles das dúas bandas: o estilo de Ortiga e a organicidade dos instrumentos de De Ninghures -incluíndo algunha melodía tradicional- son parte dunha fermosa canción que se pecha cun pasodoble do gaiteiro santiagués Juan Bello Mallou e as palabras da súa compañeira, Mercedes Segade, falando do seu amor.
