Críticas ao BNG por deixar sen combustible a flota municipal: PP e PSOE esixen explicacións

O Partido Popular e o Partido Socialista de Santiago lanzaron duras críticas contra o goberno local do BNG pola súa suposta falta de xestión eficiente, tras o corte de subministro de combustible que deixou inoperativa durante horas a flota de vehículos municipais, incluíndo os da Policía Local e os Bombeiros.

Por un lado, a concelleira do PP, Olaya Otero, denunciou a «completa indefensión» á que están sometidos os veciños e veciñas de Compostela, e criticou ao BNG por non prorrogar a tempo o contrato de subministro de carburantes, a pesar de que a lexislación o permite. Otero destacou que o goberno local prioriza a imposición dun ideario propio por riba da correcta xestión dos servizos públicos, algo que cualifica de «vergoñento» para os traballadores municipais.

Pola súa banda, Gonzalo Muíños, portavoz do PSOE, calificou o sucedido de «escandaloso» e acusou ao executivo local de descontrol na xestión diaria, afirmando que o contrato de subministro expirou hai meses e que non se pagaron as facturas pendentes. Muíños sinalou que camións de bombeiros e vehículos da Policía Local estiveron ata 17 horas sen poder repostar, o que podería ter tido graves consecuencias durante emerxencias recentes, como o paso do furacán que afectou á cidade.

Ambos grupos piden explicacións e responsabilidade política, cuestionando a falta de previsión e o incremento de persoal directivo sen melloras visibles na xestión.