Axudas para adquirir vivenda en Brión: a tranquilidade do rural, a un paso da capital
O Instituto Galego de Vivenda e Solo vén de convocar o programa de axudas á compra de vivenda, unha iniciativa publicada no Diario Oficial de Galicia que ofrece unha excelente oportunidade para establecerse no Concello de Brión, un lugar que combina natureza, tranquilidade e proximidade á cidade de Santiago de Compostela.
Líder Redacción
16 de enero de 2025 a las 13:33
Imaxe de urbanizacións en Brión | CONCELLO DE BRIÓN
O programa de axudas permite ás persoas interesadas acceder a unha subvención de ata 10.800 euros para a adquisición de vivenda. O prazo de solicitude estará aberto desde o 27 de xaneiro ata o 15 de outubro de 2025, ou ata que se esgote o crédito destinado a esta iniciativa.
Brión, situado a poucos minutos de Santiago, destaca polo seu equilibrio entre a vida nun contorno rural e os beneficios de estar próximo a unha das cidades máis dinámicas de Galicia. Este municipio é un destino cada vez máis valorado por familias e profesionais que buscan calma, comodidade e calidade de vida.
As persoas interesadas en beneficiarse destas axudas poden consultar toda a información e os requisitos nas páxinas oficiais da Xunta de Galicia:
