A USC abre o prazo para solicitar aloxamento nas súas residencias
A Universidade de Santiago de Compostela abriu o prazo para solicitar aloxamento nas súas residencias para o próximo curso. A oferta mantense igual que o curso pasado, con 910 prazas dispoñibles, e continúa o mesmo sistema de prezos, establecido en función da renda persoal dispoñible segundo as condicións que determina a convocatoria.
Líder Redacción
29 de mayo de 2024 a las 12:11
O reitor da USC Antonio López nunha imaxe de aquivo
O prazo para formalizar as solicitudes estará aberto ata as 14:00 horas do 27 de xuño, e as estadías poderán estenderse dende o 6 de setembro ata o 31 de maio de 2025. Unha vez procesadas as solicitudes, o seguinte tramo do proceso abrirase o 22 de xullo, coa publicación da lista provisional de admitidos a trámite e excluídos, que disporán de prazo ata o 28 de xullo para emendar a súa solicitude. O 1 de agosto publicaranse as listas definitivas de admitidos en cada centro. Os que pasen á lista de agarda e queiran seguir optando a praza deberán confirmalo antes do 6 de agosto.
Esta convocatoria mantén a estabilidade na oferta de prazas e no sistema de prezos, permitindo así aos estudantes planificar con antelación o seu aloxamento para o próximo curso académico.
Foto portada: O reitor da USC Antonio López nunha imaxe de aquivo