A alcaldesa supervisa o estado do parque da Alameda tras o paso do temporal Kirk
11/10/2024 A alcaldesa de Santiago, Goretti Sanmartín, comprobou este venres a situación derivada do paso do temporal ‘Kirk’ e, en concreto, coñeceu de primeira man as consecuencias na Alameda xunto ao concelleiro de Parques e Xardíns, Xesús Dominguez, e o xefe do servizo, Gregorio López. Posteriormente, deu conta en rolda de prensa do avance dos traballos de recollida da ramaxe e limpieza da follaxe.
Líder Redacción
11 de octubre de 2024 a las 20:10
Na súa intervención, a rexidora agradeceu aos todos os servizos de emerxencias e persoal das empresas concesionarias o esforzo das últimas horas para poder restablecer a normalidade o antes posible. En canto ás árbores, confirmou que se analizará caso a caso para avaliar a afectación e conservar aqueles exemplares que non teñan risco.
No que ten que ver coa Alameda, destacou o traballo de retirada de pólas e referiuse á situación do parque infantil, no que se traballa para retirar os restos da árbore caída (un tilo). Goretti Sanmartín informou de que se revisará a zona para garantir a seguranza das crianzas.
Doutra banda, nas últimas horas a empresa concesionaria estivo traballando para a reparación e reposición de todos os puntos de luz danados polo temporal. Neste sentido, a primeira hora da mañá deste venres xa se arranxaran zonas como San Ignacio de Loiola e Poza Real e no Campus Sur foron retirados os elementos danados e queda pendente de recibir algún material para acabar de repoñer todas as zonas danadas.
Nas zonas rurais recuperouse a normalidade do funcionamento, pero quedaron pendentes de reparar algúns puntos aillados, que o Concello agarda que queden reparados nas próximas horas.
https://admin.vive.gal/varias-persoas-paseaban-pola-alameda-de-santiago-pechada-a-cidadania-no-peor-da-borrasca-kirk/?fbclid=IwY2xjawF2LTdleHRuA2FlbQIxMQABHYDRhp_l1pm0eaj88hVYZB5un_bLNnDFxjGFxf4IzTg6dhQXIajpY80kDg_aem_OQB1jbKyIsWiFrzynQ-ZKg
