«A manifestación contra Altri foi a máis importante da historia do rural en Galicia»
O pasado domingo 26 de maio, tivo lugar unha manifestación histórica no concello lucense de Palas de Rei, organizada por diversas plataformas veciñais e ecoloxistas. Xosé Gontá, portavoz do colectivo A Ulla Viva, describiu a manifestación como «a máis importante celebrada no rural galego en toda a historia». Segundo os organizadores a cifra de participantes foi dunhas 20.000 persoas, mentres algúns medios, citando a outras fontes, contaron 4.000. Gontá asegura que debido as colas de coches, houbo persoas que chegaron ata o punto da concentración hora e media despois do seu comezo. Unha alta participación que subliña a crecente oposición á instalación da planta de celulosa da firma portuguesa Altri na comarca lucense da Ulloa.
Líder Redacción
27 de mayo de 2024 a las 21:00
Os convocantes do proxecto, que inclúe a organizacións como a ‘Plataforma por unha Ulloa Viva’ e a ‘Plataforma pola Defensa da Ría’, manifestan a súa preocupación polos graves efectos ambientais que a planta podería causar no ecosistema local. Entre os impactos máis destacados atópase a extracción de 46 millóns de litros de auga diarios do río Ulla, así como os vertidos que devolverían 30 millóns de litros a unha temperatura de 27ºC con residuos contaminantes, aínda que a empresa asegura que a auga sería devolta en mellores condicións, pero se é así, «por qué non a volven a utilizar eles», preguntase Gonzá.
Aínda que Altri defende o seu proxecto alegando que xerará 500 empregos directos e outros 2.000 indirectos, os opositores argumentan que o proxecto afectará negativamente ás actividades endóxenas da comarca, como a agricultura e a gandería.
O representante de A Ulla Viva, veciño de A Golada, asegura que as molestias tamén se están a percibir nas reunións sobre as futuras expropiacións que serían inevitables para levar a cabo o proxecto. Asegura que dito concello ten un 60 % de votantes do PP, e eles tamén estanse poñendo en contra deste proxecto, e maís, Gonzá asegura que entre os milleiros de manifestantes onte en Palas de Rei «había votantes e afiliados do PP». Tamén votou en falta a figura do líder dos socialistas de Galicia Jose Ramón Gómez Besteiro, o cal, afirma, non acaba de ter unha posición clara sobre a implantación de Altri no cerne de Galicia, cousa que si fixeron as Xuventudes Socialialistas, presentes na protesta.
Segundo resaltan varias asociacións, a planta de Altri producirá benzopirenos canceríxenos como resultado da queima de madeira e masa forestal, e emitirá á atmosfera, a través dunha cheminea de 75 metros de altura, xofre, óxidos de xofre, monóxido de carbono e óxido de nitróxeno, ademais de cinzas e outras partículas tóxicas. Nunha zona situada a menos dun quilómetro do Camiño Francés de Santiago. Unha ruta, polo que cada ano transitan máis de 2,5 millóns de peregrinos, e que foi declarado Patrimonio da Humanidade pola Unesco en 1993. Segundo recentes declaracións de Xoán Xesús Carril, alcalde de Arzúa, podería perder esa catalogación debido ao impacto ambiental e paisaxístico do proxecto.
Paula Prado: «Se Altri cumpre con toda a normativa medioambiental, o proxecto sairá adiante»
Ante esta situación, os detractores do proxecto están a barallar unha nova protesta para o 30 de xuño en Santiago de Compostela, coa intención de levar a súa mensaxe á capital galega e atraer aínda máis atención sobre a súa causa.
Tes a entrevista completa no seguinte enlace.
