Vueling estreia a súa nova ruta entre Santiago de Compostela e Xerez de la Frontera

• O primeiro voo procedente do aeroporto de Santiago-Rosalía Castro aterrizou esta tarde en Xerez, inaugurando oficialmente a nova conexión entre Galicia e Andalucía.
• A ruta contará con dúas frecuencias semanais, os mércores e domingos.

Santiago de Compostela, 3 de xuño de 2026 – Vueling, aeroliña pertencente ao grupo IAG, estreou hoxe a súa nova ruta entre Santiago de Compostela e Xerez de la Frontera, coa saída do primeiro voo desde o Aeroporto de Santiago-Rosalía de Castro.

O voo VY2022 aterrizou esta tarde no Aeroporto de Xerez, dando comezo oficial a esta nova conexión entre Galicia e Andalucía. A ruta operará con dúas frecuencias semanais —os mércores e domingos— ata o 12 de setembro de 2026, reforzando a conectividade nacional de Vueling e ampliando as opcións de viaxe entre ambas as rexións.

Esta nova conexión forma parte do reforzo da operativa de Vueling tanto en Galicia como en Andalucía para a tempada de verán de 2026 e da aposta da aeroliña polo mercado doméstico. En Santiago de Compostela, a compañía amplía a súa conectividade co estreno desta nova ruta a Xerez, ademais de incorporar novas conexións como Marraquech e Ibiza este verán. Santiago conecta ademais con Lanzarote, Málaga, Ámsterdam, Barcelona, Bilbao, Fuerteventura, Londres, Gran Canaria, París, Palma de Mallorca, Sevilla, Tenerife, Valencia e Zúric durante este verán.

Sobre Vueling  

Vueling, compañía pertencente ao grupo IAG, é unha aeroliña de referencia en Europa e clave na conectividade en España.

É líder na súa base principal en Josep Tarradellas Barcelona-El Prat, nas conexións dentro de España e en outros aeroportos relevantes como Bilbao. Tamén lidera a conexión entre a península e as illas Baleares e Canarias. A nivel internacional, traballa para reforzar a súa presenza en bases como París-Orly. A compañía conta cunha rede de arredor de 250 rutas ao ano que conectan 30 países. En 2025, operou máis de 227.000 voos e trasladou arredor de 40 millóns de pasaxeiros.

Con máis de 5.000 empregados, Vueling é a única aeroliña europea Top Employer por terceiro ano consecutivo. A compañía está firmemente comprometida coa descarbonización do sector e, como parte do grupo IAG, comprometeuse a acadar as cero emisións netas de carbono en 2050 a través da implementación da estratexia FlightPath Net Zero.

Fiel ao seu ADN dixital, Vueling foi a primeira aeroliña en vender billetes a través da aplicación móbil e en dispoñer de tarxeta de embarque dixital con código QR. Así mesmo, a aeroliña conta cun equipo de máis de 600 persoas que traballan nos seus hubs de innovación de Barcelona e Zaragoza.