Unha muller falece tras caer nun pozo en Ames
Unha muller de avanzada idade faleceu na mañá deste xoves tras caer nun pozo na zona de Aldea Moniña, no Milladoiro, parroquia do Biduído, no concello coruñés de Ames.
Líder Redacción
2 de abril de 2026 a las 15:39
Bombeiros Boiro
O aviso foi dado arredor das 11:30 horas polo persoal do Servizo de Urxencias Sanitarias de Galicia-061, que contactou co 112 Galicia para solicitar medios de rescate. Á chegada dos equipos de emerxencia, confirmouse o falecemento da vítima.
De inmediato, o 112 Galicia mobilizou aos Bombeiros de Boiro, que acudiron ao lugar do suceso, así como aos Bombeiros de Santa Comba, membros do GES de Brión, efectivos da Garda Civil, a Policía Local e voluntariado de Protección Civil.
As circunstancias do accidente están a ser investigadas.
