Un home ferido tras chocar contra unha árbore en Teo

Segundo informou o 112 Galicia, o sinistro produciuse pouco despois da medianoite, cando un particular alertou de que o vehículo saíra da vía e impactara contra unha árbore, quedando o ocupante no seu interior sen poder saír.

Ata o punto desprazáronse efectivos do Servizo de Urxencias Sanitarias de Galicia-061, do GES de Padrón e da Garda Civil de Tráfico. Os membros do GES confirmaron que o home estaba consciente pero atrapado, polo que foi necesario empregar material de excarceración para retirar as portas e o maleteiro e facilitar a súa liberación.

Unha vez rescatado, o ferido foi atendido polos servizos sanitarios e trasladado ao hospital de referencia.