Rois acollerá o Campionato Galego de Mushing Terra o domingo 21 de decembro
Rois. 19-11-2025. Rois volverá citarse co mushing o domingo 21 de decembro na novena edición do IX Mushing Montes de Rois, que este ano acada unha especial relevancia ao converterse no Campionato Galego de Mushing Terra.
Líder Redacción
19 de noviembre de 2025 a las 14:29
A proba reunirá en Rois aos mellores mushers de Galicia, que competirán en tres modalidades: bikejoring, patín e canicross.
O percorrido iniciarase na Peruca e desenvolverase polos montes de Cornes e Seaxe, un trazado ideal para este tipo de competición, combinando seguridade, natureza e esixencia técnica.
O horario da competición é o seguinte:
- 8.30 h – Control veterinario e entrega de dorsais
- 9.30 h – Reunión informativa
- 10.00 h – Saída da primeira persoa participante
- 13.30 h – Publicación de resultados oficiais
- 14.00 h – Entrega de premios
As inscricións deben realizarse a través da páxina web galitiming.com