Recta final do Festival de Arte Urbana Viladomar en Rianxo
Un ano máis, estase celebrando o Festival de Arte Urbana de Rianxo Viladomar – máis alá dos muros, organizado pola asociación local Ondiñas Mainas co apoio e financiamento do Concello e a Deputación da Coruña. Do 4 ao 14 de xullo, artistas chegados de diferentes partes do mundo transformarán as paredes dalgúns edificios do municipio rianxeiro en lenzos para as súas creacións.
Líder Redacción
10 de julio de 2024 a las 23:25
Viladomar é un laboratorio de arte pública polo que xa pasaron artistas de renome na creación e transformación urbana como Nove Noel, David Cuence, Mutante Creativo de Ordes, Batalla de Rianxo, Cestola na Cachola de Almería, Doa de Sober e Nana de Ordes. Na edición do ano pasado, a artista Lidia Cao (Ordes) pintou o lateral sur do polideportivo de Campo Maneiro, e o dúo Alegría e David Cuence interviñeron en diferentes espazos urbanos do concello, por exemplo no Pazo.
