O Milladoiro SD proclámase campión de Liga tras empatar contra a SD Araño
O equipo sénior masculino do Milladoiro Sociedade Deportiva logrou o título de Liga esta pasada fin de semana, tras un vibrante empate 2-2 a domicilio contra a SD Araño, na Lomba de Taragoña
Líder Redacción
27 de mayo de 2025 a las 21:51
Deste xeito, remata a tempada do mellor xeito posible co ascenso á segunda Futgal e co título de Liga do primeiro grupo de fase de ascenso da terceira Futgal
A fin de semana de éxitos para o club completouse co equipo biberón de fútbol sala, que o sábado pola mañá proclamouse campión de Copa, tras vencer ao Alto do Vento por 3-1 no pavillón do Restollal
Ames, 27 de maio de 2025.- O equipo sénior masculino do Milladoiro Sociedade Deportiva logrou o título de Liga esta pasada fin de semana, tras un vibrante empate 2-2 a domicilio contra a SD Araño, na Lomba de Taragoña. Deste xeito, remata a tempada do mellor xeito posible co ascenso á segunda Futgal e co título de Liga do primeiro grupo de fase de ascenso da terceira Futgal.
Nun encontro cheo de intensidade e emocións, os xogadores do equipo sénior masculino do Milladoiro amosaron carácter e entrega diante dun rival combativo. A pesar de non conseguir a vitoria, o empate foi suficiente para conseguir o campionato de Liga grazas ao resultado de empate 1-1, que houbo no encontro entre o SH Palmeira e o Porto do Son CF, xogado no campo do SH Palmeira.
O Milladoiro SD realizou unha gran temporada cuns números de 8 vitorias, 4 empates e tan só 2 derrotas no grupo 1 de fase de ascenso da terceira Futgal. Rematou a competición cun total de 28 puntos.
O equipo amesán marcou 36 goles e encaixou 15, sendo o equipo máis goleador e con menos goles encaixados. O máximo goleador do Milladoiro foi Jhean Carlos Jaramillo Rojas con 11 goles en 13 partidos e unha media goleadora de 0,84 goles por partido.
A fin de semana de éxitos para o club completouse co equipo biberón de fútbol sala, que o sábado pola mañá proclamouse campión de Copa, tras vencer ao Alto do Vento por 3-1 no pavillón do Restollal. Esta vitoria pon o broche de ouro a unha tempada inesquecible para os máis pequenos do Milladoiro SD, que asinan así o dobre título de Liga e Copa, demostrando o gran futuro que agarda á canteira do Milladoiro.