O club Ames Atletismo Savante pecha xuño con logros a nivel autonómico e nacional

O club Ames Atletismo pechou un mes de xuño cunha listaxe de logros e medallas acadados tanto a nivel galego como a nivel nacional

Na fin de semana do 15 de xuño, tivo lugar o Campionato Galego sub-14, unha cita na que o club amesán acadou varios metais: Juan Pernas, medalla de prata nos 2000m marcha; Arón Grille, bronce tamén na proba dos 2000m marcha; Lara Suárez, bronce nos 1000m de obstáculos e Carla Abeal, tamén bronce na proba de lanzamento de peso

O 21 de xuño, o atleta do club amesán, Alan Cadavid, acadou o título de campión galego sub-16 na proba de lanzamento de martelo

Na derradeira fin de semana de xuño, Icía Ares acadou a medalla de ouro e Nicolás Collazo a de prata nos 5.000m marcha no Campionato Galego Absoluto

Ames, 3 de xullo de 2025.- O club Ames Atletismo pechou o mes de xuño cunha listaxe de logros acadados en varias competicións, tanto a nivel galego como a nivel nacional.

Na fin de semana do 7 e 8 de xuño, o club amesán contou con representantes en dúas citas deportivas. A primeira delas, no Campionato de España Sub-14 disputado en Albacete, no que o atleta Juan Pernas participou en triatlón E (80m lisos, xabalina e 2000m marcha), acadando un gran 18º posto na súa estrea nun campionato nacional. Por outra banda, esa mesma fin de semana, as atletas Noa Rey e Icía Ares, formaron parte do ascenso do Ourense Atletismo, club asociado ao Ames Atletismo, á primeira división nacional.

Na mesma liña, xa o día 15, tivo lugar o Campionato Galego Sub-14, proba na que participaron 11 atletas do club amesán. Nesta cita, destacaron os resultados acadados por Juan Pernas, medalla de prata nos 2000m marcha; Arón Grille, bronce tamén na proba dos 2000m marcha; Lara Suárez, bronce nos 1000m de obstáculos e Carla Abeal, tamén bronce na proba de lanzamento de peso.

Por outro lado, na fin de semana do 21 de xuño, o atleta do club amesán, Alan Cadavid, acadou o título de campión galego sub-16 na proba de lanzamento de martelo. Con este resultado, Cadavid colouse no primeiro posto do ranking galego, o que lle permitiu acadar a mínima marca para poder disputar o Campionato de España Sub-16 en pista, que terá lugar en Gijón os días 12 e 13 de xullo.

Un ouro e unha prata no Campionato Galego Absoluto

E, finalmente, na derradeira fin de semana do mes de xuño, do 28 e 29, tivo lugar o Campionato Galego Absoluto, no que participaron 6 atletas de Ames Atletismo: Lucía Quintáns e Noa Rey nos 400m valla; Mariela Quijano nos 800m; e Nadir Moreira, Icía Ares e Nicolás Collazo nos 5.000m marcha. Nesta competición, destacan os resultados acadados por Icía Ares, ouro, e Nicolás Collazo, prata, ámbolos dous na proba dos 5.000m marcha.