Noite complicada en Ames con varios accidentes e dous impactos contra xabarís
A noite do venres resultou especialmente movida para os voluntarios de Protección Civil de Ames, que tiveron que intervir en diversos accidentes de tráfico rexistrados pola tarde. Dous deles estiveron motivados pola aparición inesperada de xabarís na calzada.
Líder Redacción
29 de noviembre de 2025 a las 15:59
Os sinistros relacionados con estes animais producíronse na zona de Pousada, onde, pese ao susto, non se deron danos persoais. Desde o servizo de emerxencias explican que nas últimas semanas se está a detectar un incremento notable de avisos pola presenza de fauna salvaxe nas estradas do municipio.
