Morre una muller en Santiago tras caer dun quinto piso

 

 

Este sábado pola mañá, unha muller de 50 anos perdeu a vida en Santiago despois de caer polo patio de luces do seu propio edificio. O tráxico suceso aconteceu ao redor das dez da mañá, no número 12 da rúa Frei Rosendo Salvado, situada no Ensanche compostelán. Foron os veciños os que, tras escoitar un forte estrondo, alertaron ás autoridades ao descubrir que alguén caera ao vacío no interior do inmoble.

Unha ambulancia medicalizada, acompañada dun equipo de profesionais sanitarios, acudiu rapidamente ao lugar, pero lamentablemente só puideron certificar o falecemento da muller. As patrullas da Policía Local de Santiago tamén compareceron na escena do suceso. Por agora, non se detectaron indicios de criminalidade no lugar dos feitos.