As patinadoras de Brión debutan cun oitavo posto no Campionato de España Grupos Show Pequenos

 

 

As patinadoras do Club de Patinaxe Artística Brión, que saíron segundas a pista para defender a súa coreografía «Birka» e despois dunha boa actuación, obtiveron unha puntuación que as posicionou en primeiro lugar, posición que manterían durante a primeira metade dos grupos participantes. A xornada remataría cos grandes favoritos, os actuais campións e subcampións de Europa e do mundo.

Tanto o equipo técnico, Natis e Andrea, como as 13 patinadoras, están moi orgullosas do traballo realizado e felices por conseguir posicionar a Galicia no top dez da patinaxe en España.

Agora toca seguir traballando para pulir detalles para as seguintes citas: o Campionato de España de Grupos Show Júnior e Cuartetos Júnior e a Copa de España, que terán lugar en Alcoi os días 5 e 6 de abril.

Acudirán con moitas ganas e ilusión e, sobre todo, para disfrutar de novo da experiencia dun campionato estatal.