Chega a Padrón o colector marrón, para uso exclusivo de residuos orgánicos

• O vindeiro 24 de xuño arrancan as accións informativas a pé de rúa

O Concello de Padrón quere aadaptarse aos novos criterios de xestión de residuos que indican tanto desde Europa como desde a propia Xunta de Galicia. Case a metade do lixo que se producen nas casas é materia orgánica, por iso para cumprir coa lexislación vixente é moi importante que comecemos a definir cal vai a ser o noso modelo ao respecto. O modelo que ofrece Sogama adáptase ás necesidades do municipio, por iso optaron por poñer en marcha un novo proxecto: o colector marrón.

O colector marrón, a quinta fracción, que ten como uso exclusivo a recollida de residuos orgánicos, xa está instalado nas rúas do concello. Este novo depósito ten a particularidade de estar pechado coa finalidade de concienciar á veciñanza da separación de residuos orgánicos. Padrón querr así ser máis sostibles e iso so será posible coa implicación de toda a cidadanía, por iso fan unha chamada á participación das familias de Padrón neste novo proxecto, que de seguro sentará as bases do que será a futura recollida de lixo na vila.

Súmate ao voluntariado marrón. Buscamos familias e persoas concienciadas

Acaba de arrancar a campaña de sensibilización e divulgación e todas as familias de Padrón poderán dirixirse á carpa de “Ti tes a Chave” os vindeiros luns 24 e martes 25 de xuño en horario de 10.30 h a 13.30 h, na Praza de Macías e en horario de 15.30 h a 18.30 h na Praza Ánxel Baltar… Haberá moitas máis accións informativas a pé de rúa nas vindeiras semanas e meses, xa que este é un proxecto que ven para quedarse.

Para facer uso deste colector é preciso ter unha chave, a cal se poderá recoller nese mesmo punto informativo, xunto coa chave proporcionarase un cubo de 10 litros, bolsas compostables e un folleto informativo para facer un bo uso do colector.

Que residuos se deben meter neste colector

En canto aos residuos que deben ir neste colector marrón son: os restos de froita, verdura, carne e peixe, conchas de mariscos ou froitos secos, restos de pan, café, infusión, papel de cocina, restos de plantas, cortizas, e definitiva calquera resto orgánico.

Pola contra, o que nunca debe depositarse neste colector é, os envases, cueiros, compresas, bastonciños dos oídos, plásticos e outro tipo de residuos non orgánicos.

Un Padrón máis sostible é cousa de todos e todas.