Este luns, ás 09.00 horas, coincidindo co inicio do curso escolar, familias, profesorado e alumnado do CEIP Monte dos Postes concentráronse diante do centro educativo en Santiago de Compostela. O obxectivo da mobilización foi reclamar á Xunta de Galicia os recursos necesarios para garantir unha atención educativa de calidade e equitativa para todo o alumnado.
Líder Redacción
8 de septiembre de 2025 a las 17:02
Segundo denuncia a comunidade educativa, a situación actual é insostible: o colexio precisa polo menos dúas mestras ou mestres máis de Pedagoxía Terapéutica (PT) e un especialista adicional en Audición e Linguaxe (AL) para atender ás necesidades específicas do alumnado con apoio educativo.
A Directiva da ANPA do CEIP Monte dos Postes alerta de que, sen estes reforzos, “está en risco unha atención axeitada e xusta para todo o alumnado”, polo que anuncian que continuarán coas mobilizacións ata que a administración autonómica ofreza unha solución.
Recibe las noticias en tu correo.
