Ferraz expulsa definitivamente aos catro edís críticos do PSOE en Santiago
A Dirección Federal do PSOE anunciou este martes a expulsión definitiva de Gonzalo Muíños, Mercedes Rosón, Mila Castro e Marta Álvarez, os catro concelleiros críticos da corporación municipal de Santiago. Esta decisión, que supón un novo punto de inflexión na crise interna do socialismo compostelán, baséase no incumprimento de faltas graves e moi graves segundo a normativa do partido.
Líder Redacción
18 de febrero de 2025 a las 15:51
Ferraz xustifica a súa decisión na «obstrución á labor e decisións dos órganos do partido» e na «actuación en contra de acordos adoptados polas direccións socialistas que afectan ás institucións». No caso de Muíños, tamén se lle atribúe unha falta moi grave por exercer cargos públicos sen autorización expresa do partido.
A normativa socialista establece que a expulsión debe aplicarse de forma «inmediata», aínda que os edís teñen a posibilidade de recorrer ante a Comisión Federal de Ética e Garantías. Con todo, o regulamento deixa claro que a interposición de recursos non suspende a sanción. Outra opción sería acudir á xustiza ordinaria para solicitar a suspensión cautelar da expulsión, un escenario que xa valoraron.
A oficialización desta medida empurra o conflito interno do PSOE de Santiago cara a unha nova fase, na que os concelleiros deberán decidir se aceptan a decisión ou intentan impugnala polas vías dispoñibles.