Deputación e concello de Dodro traballan na construción dunha senda na DP-3002
A Deputada de Vías e Obras, Mónica Rodríguez, visitou o concello para valorar co Alcalde, Xabier Castro, e o concelleiro de obras e servizos, Ramón Abuín, o avance do proxecto.
Líder Redacción
20 de enero de 2024 a las 20:21
Dodro, 20 de xaneiro do 2024 – A Deputada de Vías e Obras da Deputación da Coruña, e alcaldesa de Vimianzo, Mónica Rodríguez, visitou o concello de Dodro para valorar o proxecto de senda peonil ao longo da estrada provincial 3302.
Trátase dunha obra na que se leva traballando moito tempo e que uniría o lugar de Tallos co da Igrexa. Un percorrido moi usado pola veciñanza xa que conecta espazos como a Casa do Concello, o colexio Eusebio Lourenzo Baleirón ou a igrexa de San Xián de Laiño.
Baixo unha forte chuvia deputada, alcalde e concelleiro visitaron a estrada para coñecer o espazo polo que discorrería a senda.
Nunha segunda fase a Deputación podería ademais arranxar parte da estrada para, posteriormente, cedela ao concello para que se convertera nunha vía urbana. Mónica Rodríguez valorou positivamente o proxecto e mostrouse disposta a apoiar a obra de forma que sexa unha realidade en esta lexislatura.
