Un accidente de tráfico rexistrado este mediodía na autovía Lugo-Santiago (A-54), ao seu paso pola parroquia de Lavacolla, en Santiago de Compostela, saldouse polo menos cunha persoa ferida.
Líder Redacción
21 de febrero de 2026 a las 20:30
O sinistro produciuse arredor das 13.00 horas no punto quilométrico 88, en sentido Lugo, e nel víronse implicados varios vehículos. Segundo informaron fontes do 112, polo momento non está confirmado o número total de persoas afectadas. Non obstante, un dos alertadores, que indicou ser un dos condutores implicados, asegurou que o seu acompañante resultou ferido.
Ata o lugar desprazáronse efectivos de Urxencias Sanitarias de Galicia-061, así como axentes da Garda Civil de Tráfico, que se encargaron de regular a circulación e instruír as dilixencias correspondentes para esclarecer as circunstancias do accidente.
Recibe las noticias en tu correo.
