O presidente da Xunta, Alfonso Rueda, acompañado pola conselleira de Política Social e Igualdade, Fabiola García, mantivo este martes unha reunión coa directora da Asociación Galega de Familias de Acollida (ACOUGO), Carmen Dourado, na que destacou o compromiso do Goberno galego co sistema de acollemento familiar.
Líder Redacción
23 de abril de 2025 a las 17:34
Durante o encontro, puxéronse en valor as medidas impulsadas nos últimos anos, entre as que destaca o incremento das axudas ás familias acolledoras nun máis do 50% nos tres últimos anos. Tal como explicou a conselleira nas súas redes sociais, Galicia é unha das comunidades que máis menores acolle en todo o Estado, e a Xunta vén de dar un novo paso cunha subida das axudas ata os 425 euros para aquelas familias que acollen a menores de entre 1 e 18 anos. Ademais, consolídase a axuda de 600 euros mensuais para as que teñen ao seu cargo bebés de ata 12 meses.
Fabiola García salientou que Galicia é «o mellor lugar do mundo para formar unha familia, sexa cal sexa a súa realidade», e agradeceu a entrega e xenerosidade das familias acolledoras, fundamentais para garantir o benestar dos menores en situación de vulnerabilidade.
Recibe las noticias en tu correo.
