Radio Líder recolle preguntas da veciñanza de Vedra para o especial ‘O alcalde responde’
Radio Líder Santiago pon en marcha unha nova iniciativa de participación cidadá co especial “O alcalde de Vedra responde”, un programa no que o rexedor, Carlos Martínez, atenderá as preguntas, queixas e dúbidas de todos os veciños e veciñas do municipio.
Líder Redacción
20 de noviembre de 2025 a las 20:47
As persoas interesadas poden enviar as súas consultas mediante WhatsApp ao número 633 57 17 65 ata o 26 de novembro. Todas as cuestións serán trasladadas ao alcalde, que dará resposta nun programa especial que se emitirá o xoves 4 de decembro ás 10:00 horas.
Con este formato, Radio Líder Santiago busca achegar a administración local á cidadanía e ofrecer un espazo directo e transparente para resolver inquietudes sobre o día a día do Concello de Vedra.
