O concello de Teo celebrará o vindeiro 25 de maio o acto de nomeamento como fillos adoptivos do municipio de Manuel Quintana Martelo, Paula Carballeira e Víctor Manuel Vázquez Portomeñe.
Líder Redacción
16 de mayo de 2024 a las 16:19
A alcaldesa, Lucía Calvo participaba este xoves en Radio Líder Santiago onde anunciou que o acto de entrega destas distincións levarase a cabo o sábado 25 de maio no Auditorio teense. A rexedora aproveitaba a entrevista para agradecer aos homenaxeados a súa achega pública e a súa contribución á sociedade, un fito que merece o recoñecemento de fillos e filla adoptivos de Teo para que sexan lembrados polas xeracións presentes e futuras.
A rexedora popular presume de contar con veciños tan ilustres que achegan unha singularidade adicional ao municipio de Teo e confía en «institucionalizar» este acto e celebralo «cada ano».
Manuel Quintana Martelo preside a Real Academia Galega de Belas Artes. Paula Carballeira, escritora, gañou o ano pasado o Premio Nacional de Literatura Dramática. E Víctor Manuel Vázquez Portomeñe, ex conselleiro, recibiu no ano 2010 a Medalla de Ouro de Galicia pola súa labor turística co desenvolvemento da programación do Xacobeo.
A entrevista completa, no seguinte enlace.
Recibe las noticias en tu correo.
