Frades sufraga con 6.500 € a compra de lentes, audífonos e próteses dentais de persoas maiores

11 de xullo de 2024.- O Concello de Frades vén de entregar as axudas para gastos oftalmolóxicos, auditivos ou odontolóxicos concedidas a persoas maiores de 65 anos e/ou cun grado de discapacidade igual ou superior ao 33% e cuns ingresos inferiores ao 90% do IPREM (540 euros). Unha convocatoria pioneira e da que se beneficiaron un total de cinco veciños e veciñas de Frades, que recibiron unha achega total de 6.530 euros.