‘Fala que Fala’ regresa para darlle voz ao galego entre a mocidade

Santiago de Compostela, 26 de setembro de 2025 – Tras o éxito acadado na súa primeira edición, o proxecto educativo Fala que Fala, promovido por Radio Líder e a Secretaría Xeral da Lingua da Xunta de Galicia, regresa cunha nova edición que aposta pola innovación e o aumento da participación. A iniciativa combina radio escolar, redes sociais e dinamización lingüística como ferramentas para achegar a lingua galega á mocidade dun xeito creativo, moderno e participativo.