Estas son as restricións circulatorias e servizos de transporte urbano polo Gozo Festival
Con motivo da celebración de Gozo Festival, que terá lugar no Monte do Gozo o sábado 6 de xullo, produciranse as seguintes modificacións no tráfico:
Con motivo da celebración de Gozo Festival, que terá lugar no Monte do Gozo o sábado 6 de xullo, produciranse as seguintes modificacións no tráfico:
Líder Redacción
4 de julio de 2024 a las 15:58
Imaxe: RRSS Gozo Festival
Desde as 12:00 horas pecharase á circulación cara á rúa das Estrelas, que quedará cortada ao tráfico dende a rotonda coa rúa de Fernando Casas Novoa (debaixo da SC-20), excepto para vehículos de emerxencia. Os/as residentes da parte dereita subindo pola rúa das Estrelas, deberán acceder aos seus domicilios por Aríns. Os da parte esquerda, pola N-634 e Agra dos Campos (Los Abetos), do mesmo xeito que os/as clientes do Hotel Los Abetos.
A rúa do Gozo tamén quedará cortada ao tráfico desde a confluencia coa rúa San Marcos ata a confluencia coa N-634, excepto para residentes, transporte público e organización.
O acceso á rúa San Martiño desde a N-634 tamén quedará cortado excepto para os/as clientes do hotel Los Abetos, residentes e organización.
Estacionamento
Estará prohibido estacionar na avda. Fernando Casas Novoa e en San Lázaro (Bodeguilla) desde as 08:00 horas do sábado, 6 de xullo, ata finalizar o concerto. Tamén quedará prohibido o estacionamento de vehículos na rúa das Estrelas, rúa do Gozo, rúa San Marcos y Santa Eulalia de Bando.
Utilizaranse como áreas de estacionamento o estadio Verónica Boquete e a Cidade da Cultura.
As Persoas de Mobilidade Reducida deberán acceder ao concerto pola rúa do Gozo, e terán reservadas prazas de estacionamento no parking do hotel Monte do Gozo.
Taxis
Permitirase o paso dos taxis polos puntos de corte sempre que leven pasaxeiros con algunha discapacidade que poida ser acreditada. A rúa das Estrelas estará completamente restrinxida ao tráfico (todos os vehículos incluídos taxis), excepto vehículos de emerxencia.
Transporte urbano
Habilitaranse dous servizos lanzadeira, un dende o centro da cidade e outro dende a Cidade da Cultura, que funcionarán o día 6 de xullo a partir das 15:00 horas, de forma continuada ata o acceso ao Monte do Gozo. Os servizos de volta arrincarán ás 22:00. A partir das 22:00 horas, as lanzadeiras realizarán exclusivamente viaxes de volta dende os puntos de saída próximos ao monte do Gozo ata o centro da cidade e ata a área de estacionamento da Cidade da Cultura.
A liña especial 1 terá como punto de saída as dársenas da Cidade da Cultura. O punto de saída dos servizos de volta a partir das 22:00 horas será a rúa de San Lázaro nº 104, confluencia coa rúa de Miguel Ferro Caaveiro.
A liña especial 2 terá como punto de saída a Estación Intermodal, nas dársenas da 21 á 25. O punto de saída dos servizos de volta a partir das 22:00 horas será a avenida de Fernando Casas Novoa, confluencia coa SC-20.
Ademais, os/as asistentes ao concertos dispoñen doutras dúas liñas do transporte urbano, a 6 e a 7, para achegarse ata o Monte do Gozo:
A liña 6 (Os Tilos – San Marcos) realiza paradas nas inmediacións do complexo do Monte do Gozo (zona Costa de San Marcos e Hotel Santiago Apóstol).
Nesta liña, con servizos ata as 23:00, as frecuencias serán de 20 minutos o sábado pola mañá e de 30 minutos pola tarde. As paradas máis céntricas para o acceso á liña 6 son: (691) rúa do Hórreo (estación Intermodal), (276) rúa do Hórreo (Parlamento), (277) rúa do Hórreo nº 23, (228) rúa da Ensinanza e (662) rúa da Virxe da Cerca nº 10. A parada máis próxima ao estadio de San Lázaro para acceder a esta liña é a 562, rúa de San Lázaro nº 82.
A liña 7 (Valle Inclán – Aríns), conta tamén con paradas nas inmediacións do complexo do Monte do Gozo (cruzamento da rúa Senande con San Martiño) nos servizos con destino Aríns. Terá unha frecuencia de 60 minutos o sábado, con servizos ata as 22:00. As paradas máis céntricas para acceder á liña 7 son: (637) rúa de Valle-Inclán (dársena de autobuses), (660) rúa de Virxe da Cerca (Praza de Abastos), (247) rúa de Fonte de Santo Antonio nº 3 e (410) praza de Galicia nº 3.
Toda a información sobre o transporte pode consultarse na páxina web do festival: https://gozofestival.com/faqs/
O Concello de Santiago de Compostela prégalle á cidadanía que atenda as indicacións da Policía Local e desculpe as molestias que estas alteracións no tráfico lles poidan ocasionar.
Recibe las noticias en tu correo.
