Chus Campos: «O éxito da Pascua confirma que as decisións tomadas foron acertadas»

Chus Campos, concelleira de Festexos do Concello de Padrón, valorou positivamente o desenvolvemento das Festas da Pascua deste ano, nunha entrevista concedida a Radio Líder Santiago. A concelleira fai un balance «moi positivo» destas celebracións, que remataron onte domingo despois de 16 días dunha extensa e variada programación.

A pesar dos contratempos provocados pola chuvia e o vento, que obrigaron á cancelación de actuacións como as de Fillas de Cassandra e as orquestras Miramar e Satelites, achegaronse ata Padrón milleiros de personas, especialmente nas fins de semana, como o pasado sábado onde se acadaron cifras récord de participación nunha xornada marcada polo concerto de Celtas Cortos e a orquestra Olympus.

Campos adiantou que a orquestra Satelites conta xa cunha nova data para actuar no concello, aproveitando a festa de San Xoan do Raio o vindeiro luns 6 de maio. Ademais, revelou que están en conversas con Mirarar e Fillas de Cassandra para fixar unha nova data de actuación.

A concelleira agradeceu o éxito e a participación en todas as actividades e actos programados, confirmando que «as decisións tomadas foron acertadas». Tamén expresou o agradecemento aos milleiros de visitantes_ aínda sen cifra oficial_pola súa responsabilidade, polo que non houbo que lamentar incidentes notables, e destacou tamén o traballo do persoal do concello, a policía local e todas as persoas implicadas en sacar adiante as festas e que foran todo un éxito.

Estas foron as primeiras festas que Chus Campos viviu como concelleira de Festexos en Padrón, o igual que Anxo Arca como alcalde.

A entrevista completa no seguinte enlace.