A Filloa de Lestedo e os Xenerais da Ulla fanse un oco na LVII Feira do Cocido de Lalín

A Filloa de Lestedo e os Xenerais da Ulla fanse un oco na LVII Feira do Cocido de Lalín | vive.gal

Un alcalde que salientou a “emotiva irmandade entre o Cocido de Lalín e a Festa da Filloa de Lestedo, arroupada polos xenerais da Ulla, que terá a súa contrapartida o próximo 9 de marzo, cando o Cocido será o protagonista do Xantar da Filloa”. Un atranque ante milleiros de persoas ofrecido por Uxía e José Canabal, xenerais de Boqueixón, a lomos dos seus respectivos cabalos.

Así mesmo, Ovidio Rodeiro aproveitou a súa presenza no palco de autoridades para promover o consumo de filloas de Lestedo entre personalidades como o presidente da Xunta, Alfonso Rueda; o embaixador do Xapón en España, Takahiro Nakamae; o delegado do Goberno en Galicia, Pedro Blanco; o presidente da Deputación de Pontevedra, Luís López; o presidente da Real Federación Española de Fútbol, Rafael Louzán; así como gran parte do Goberno da Xunta (cos conselleiros/as de Presidencia, Educación, Sanidade, Cultura, Medio Rural e Emprego); ou os novos comendadores do Cocido.

Showcooking e xantar do Cocido

A próxima semana terá lugar a devolución da visita a Boqueixón por parte da Feira do Cocido. Así, o luns 3 de marzo, o chef Álex Iglesias, do restaurante Cabanas, protagonizará un showcookin sobre o Cocido de Lalín. Será ás 19:00 horas no local social de Lestedo. A entrada é de balde, sendo precisa inscrición previa en www.festadafilloadelestedo.gal.

A maiores, o domingo 9, a XLII Festa da Filloa de Lestedo ofrecerá un Cocido da Filloa, elaborado tamén polo cociñeiro Álex Iglesias. Un auténtico cocido lalinense con filloas de Lestedo e carnes propias desta terra que poderá degustarse a partir das 14:30 horas no pavillón de Lestedo, cando remate o pregón e os atranques dos Xenerais da Ulla.

Síguenos en WhatsAppNoticias directo a tu móvil

Unirse →

O Xantar da Filloa terá un prezo de 37 euros para persoas adultas, 12 euros para o menú infantil (de 6 a 12 anos) e de balde para rapazada menor de 6 anos. O menú estará composto por un Cocido Completo (sopa de cocido, cacheira, lacón, costela, entrefebrado, polo, morro, orella, chourizo ceboleiro, unllas, rabo, grelos, pataca, garavanzos e faldra de tenreira galega), bebidas e sobremesa (filloas e outros doces). Inscricións ata o 4 de marzo en www.festadafilloadelestedo.gal.

A Filloa de Lestedo e os Xenerais da Ulla fanse un oco na LVII Feira do Cocido de Lalín

Etiquetas

Te puede interesar

Últimas noticias

Suscríbete

As obras de humanización de Lestedo estarán rematadas a comezos de 2027

Ovidio Rodeiro reivindica o investimento histórico en saneamento e pon en valor o músculo festivo de Boqueixón

Comezan as obras de construción de dúas novas sendas peonís en Sergude e Lestedo

Concello de Boqueixón e Deputación asinan un convenio de 30.000 € para a Festa da Filloa de Lestedo