Xabier Vizcaíno abre a lata do seu próximo traballo co sinxelo titulado «Tóxico»
O cantautor galego Xabier Vizcaíno, coñecido polas súas emblemáticas composicións como “Sete Chorares” ou “Camiños”, sorprende unha vez máis co lanzamento do seu novo sinxelo “Tóxico”. Este tema serve como adianto do que será o seu próximo traballo discográfico.
Líder Redacción
17 de junio de 2024 a las 18:28
“Tóxico” mantén a esencia melódica que caracteriza ao compositor do Incio, pero introduce unha temática novidosa: o amor tóxico. Vizcaíno aborda nesta canción unha realidade presente na vida cotiá pero que, ata agora, non explorara nas letras das súas composicións. “Sempre escribín sobre o amor, pero nunca tratara esta faceta, “Tóxico” fala dunha historia de amor no mundo tóxico que estamos creando», explica o artista.
Co lanzamento do sinxelo “Tóxico» Vizcaino marca o inicio e adianto do que será o seu próximo traballo. O Videoclip está xa dispoñible na canle de youtube do artista, e o sinxelo pode escoitarse nas principais plataformas dixitais.
