• Segundo afirmou o líder popular, “son un reflexo máis da situación na que se atopa Santiago enteira: sexa cal sexa o barrio que visitemos, a falta de coidado e atención por parte do goberno nacionalista é evidente”.
Líder Redacción
2 de agosto de 2025 a las 15:24
• Verea sinalou que “levamos meses denunciando situación similates en diferentes puntos da cidade, Guadalupe, Fontiñas, Sar, A Peregrina, A Barciela, Río Sarela, Vista Alegre, Castiñeiriño, O Pexigo, Meixonfrío, Figueiras, Laraño, e o BNG segue sen dar solucións á veciñanza destas zonas que sofren o mal estado do seus barrios a diario.
O líder do Partido Popular de Santiago, Borja Verea, visitou os barrios de Monte de Deus e Vite, acompañado do concelleiro José Ramón de la Fuente, para coñecer de primeira man as necesidades dunha contorna marcada polo abandono e a falta de mantemento.
Durante a visita, na que se reuniu coa asociación de veciños e percorreu distintos puntos da zona, Verea comprobou o “notable deterioro” destes barrios, aos que cualificou como “zona cero” dos barrios desatendidos, e que, segundo afirmou, “son un reflexo máis da situación na que se atopa Santiago enteira: sexa cal sexa o barrio que visitemos, a falta de coidado e atención por parte do goberno nacionalista é evidente”.
Verea sinalou que “levamos meses denunciando situación similaRes en diferentes puntos da cidade, Guadalupe, Fontiñas, Sar, A Peregrina, A Barciela, Río Sarela, Vista Alegre, Castiñeiriño, O Pexigo, Meixonfrío, Figueiras, Laraño, e o BNG segue sen dar solucións á veciñanza destas zonas que sofren o mal estado do seus barrios a diario.
Nesta ocasión, o líder popular denunciou o estado das zonas verdes e da contorna do miradoiro de Monte de Deus, “un dos máis espectaculares da cidade, completamente deixado á súa sorte, sen ningún tipo de seguridade nin servizos”.
Así mesmo, destacou os problemas estruturais que sofren estes barrios, como o mal estado do firme, a falla de canalizacións axeitadas que provocan inundacións cada vez que chove con forza, ou a escaseza de colectores de lixo. “É incrible que a asociación de veciños leve tempo reclamando máis colectores e a estas alturas o Concello non teña nin respondido”, sinalou Verea.
O líder popular acusou ao goberno de BNG e CA de “falla total de capacidade de xestión”, e afirmou que “a cidade está paralizada, con servizos básicos que non funcionan e sen ningunha atención ás necesidades reais da veciñanza”.
Por último, comprometeuse a seguir poñeno na axenda pública estas demandas e esixiulle ao executivo local “unha intervención inmediata, completa e integral en Monte de Deus e Vite, para poñer fin ás múltiples deficiencias que sofre esta zona da cidade e mellorar a calidade de vida dos seus habitantes”.
Recibe las noticias en tu correo.
