• María Baleato incidiu en que “o que non pode facer o goberno nacionalista é mentirlle á veciñanza, responsabilizando a outros da súa propia incompetencia, xa non é posible botar máis balóns fora nin tratar de buscar culpables noutras administracións, esas desculpas xa non valen, están esgotadas”.
Líder Redacción
6 de agosto de 2025 a las 21:11
• Insistiu en que “o goberno nacionalista o que ten que facer é deixarse de titulares baleiros, abandonar a confrontación coa Xunta e presentar novamente a solicitude, coa documentación completa si quere acadar a declaración de zona de mercado residencial tensionado”.
A concelleira do Partido Popular de Santiago, María Baleato, tachou hoxe, en rolda de prensa ao goberno nacionalista de “soberbio, nefasto e chapuceiro” despois de que fose incapaz de achegar a documentación requirida pola Xunta de Galicia, co fin de declarar Santiago zona de mercado residencial tensionado.
María Baleato incidiu en que “o que non pode facer o goberno nacionalista é mentirlle á veciñanza, responsabilizando a outros da súa propia incompetencia, xa non é posible botar máis balóns fora nin tratar de buscar culpables noutras administracións, esas desculpas xa non valen, están esgotadas”.
A popular puxo como exemplo ao goberno bipartito PSOE-BNG da Coruña, que foi quen de tramitar, correctamente, o expediente, aínda que empezou máis tarde que o goberno local, e xa conseguiu dita declaración, “o que indica -remarcou- que si tramitas correctamente obtés o que pretendes, pero si non o fas correctamente, como fixo este goberno nacionalista, non a obtés, non hai máis”.
“A administración autonómica entendeu -dixo- que o goberno local non respondeu ao requirimento de documentación que lle foi remitido e non cumpriu cos requisitos fixados pola Lei,”.
Para a popular, “estamos diante dun goberno incompetente, que non sabe responder a un requirimento de subsanación de documentación, algo que non é tan difícil, só hai que coñecer a normativa, ler o requirimento, completar a documentación e remitila no prazo establecido”.
“Este procedemento -explicou Baleato- está perfectamente regulado e non hai máis que cumprilo, a documentación está taxada e perfectamente detallada, non hai discusión, buscar outra motivación é querer enredar, xa que o único que fixo a Xunta foi cumprir coa normativa, coa Lei de Vivenda de Galicia, coa Lei polo dereito á vivenda estatal e coa Lei de procedemento administrativo común”.
A edil popular insistiu en que “o goberno nacionalista o que ten que facer é deixarse de titulares baleiros, abandonar a confrontación coa Xunta e presentar novamente a solicitude, coa documentación completa si quere acadar a declaración de zona de mercado residencial tensionado”.
“Este goberno suspende en todas as súas políticas de vivenda, na empresa pública de vivenda, suspenso; no rexistro de soares, con catro parcelas e tres paralizadas, suspenso; no aluguer de vivenda pública suspenso; e, agora, na declaración da zona de mercado residencial tensionado tamén suspenso”, remarcou.
Baleato subliñou que “a Xunta aplicou a normativa, ofreceu a posibilidade dunha reunión entre os técnicos do IGVS e os técnicos do concello pero esta oferta foi rexeitada pola alcaldesa, polo que a Xunta actuou en base aos principios de legalidade, seguridade xurídica, lealdade institucional, cooperación, colaboración e coordinación”..
Recibe las noticias en tu correo.
