Mila Castro (PSOE): “Se as empresas non mudaron, por que co BNG a cidade está máis sucia?”
Santiago de Compostela, 17 de setembro de 2024. O Grupo Municipal Socialista presentará no próximo pleno unha interpelación sobre o estado do servizo de recollida de lixo e limpeza viaria en Santiago, acusando ao goberno local de falta de control sobre a empresa concesionaria. A edil socialista Mila Castro criticou que, a pesar de que a empresa segue sendo a mesma, «desde que goberna o BNG, a cidade está máis sucia e descoidada».
Líder Redacción
18 de septiembre de 2024 a las 19:56
Castro destacou a “falta de traballo de vixilancia e diálogo coa veciñanza” como principal causa do deterioro da imaxe urbana de Compostela, sinalando que o executivo liderado polo BNG «fallou na xestión diaria». Lembrou tamén que a alcaldesa, cando estaba na oposición, demandaba maior fiscalización das concesionarias, e agora «a falta de control é evidente». Estas críticas foron reforzadas tras unha reunión entre os socialistas e o comité de empresa de Urbaser, que denunciou o desleixo no mantemento da cidade.
