Gumersindo Guinarte recriminou ao Goberno de Sanmartín que non presentase unha proposta sólida para declarar a cidade zona tensionada e criticou que a Xunta “non está a favor de aplicar a lei de vivenda”, advertindo que os veciños precisan alugueiros a prezos asumibles.
Líder Redacción
13 de octubre de 2025 a las 22:08
Santiago de Compostela, 13 de outubro de 2025. O voceiro do grupo municipal socialista, Gumersindo Guinarte, instou este luns ao Goberno de Goretti Sanmartín a presentar “unha nova proposta ben fundamentada, ben documentada” para que Santiago poida ser declarada zona residencial tensionada, despois de que a Xunta de Galicia rexeitase o recurso presentado polo Concello.
Guinarte sinalou que a decisión do Goberno galego “era o esperado” e insistiu en que agora “o que ten que facer o Goberno Municipal da señora Sanmartín é presentar unha nova proposta ben fundamentada” para que, segundo apuntou o voceiro socialista, a Xunta de Galicia “non teña máis remedio que aceptar esa proposta”.
O edil socialista defendeu que a declaración de Santiago como zona tensionada “pode facilitar, favorecer, que iso sexa unha realidade”, en referencia á posibilidade de acceder a alugueiros a prezos asumibles. “Os veciños e veciñas de Santiago necesitan ter acceso á vivenda a prezos axeitados, necesitan ter alugueres a prezos axeitados”, apuntou.
Guinarte lembrou que a declaración de zonas tensionadas é un instrumento previsto na Lei de Vivenda estatal para conter os prezos do alugueiro e favorecer o acceso á vivenda, e lamentou que a Xunta de Galicia “non está a favor de aplicar a lei de vivenda”.
Recibe las noticias en tu correo.
