Unha orde de distanciamento de 100 m despraza o sen teito espido de Cervantes a outras zonas do casco vello

Carmen Rabuñal, presidenta da Asociación Cultural San Martiño Pinario, lanzou este luns un chamamento público á responsabilidade das administracións ante a situación crítica vivida na Praza de Cervantes de Santiago. Durante unha entrevista en Radio Líder Santiago, a representante veciñal relatou con detalle a convivencia forzada coa presenza dunha persoa en situación de exclusión social que “leva cinco anos vivindo na rúa, sen aceptar normas, e convertendo o espazo público nun foco de insalubridade”.