O valgués Yeray Blanco López destacou esta fin de semana no IX Campionato de España de Pesca na modalidade de Embarcación Fondeada, celebrado en Palma de Mallorca. O mozo, natural do Montiño (Devesa) e de só 20 anos de idade, competiu na categoría xuvenil representando a Galicia, convocado pola Federación Galega de Pesca e Casting.
Líder Redacción
7 de octubre de 2024 a las 19:36
Yeray Blanco conseguiu a medalla de bronce tras realizar un excelente desempeño ao longo das dúas mangas de competición, cada unha de catro horas de duración. Ao final, acadou un total de 33 capturas, que lle valeron para subir ao podio e levar o terceiro posto.
Este logro consolida a traxectoria do mozo pescador, que segue a destacar a nivel nacional e a poñer o nome de Galicia entre os mellores do país nesta disciplina deportiva.
Recibe las noticias en tu correo.
