Todo listo para unha nova edición do Folk na Beira do Sar
A concelleira de Capital Cultural, Míriam Louzao, e o presidente da Asociación Folclórica Colexiata do Sar, Rafael Sexto, animaron hoxe a participar no Folk na Beira do Sar, unha proposta cultural e gastronómica coa que colabora o Concello.
Líder Redacción
3 de junio de 2026 a las 23:28
Neste sentido, Míriam Louzao destacou a aposta do seu departamento por levar as iniciativas culturais aos barrios composteláns baixo a premisa de que a cultura é un dereito.
Esta proposta encherá o barrio de Sar desde o venres e durante a fin de semana de actividades para todos os públicos. A programación abrirase o venres coa actuación da Agrupación Folclórica Colexiata do Sar e a súa Escola de Danza e Música Tradicional para dar paso, ás 19.30 horas, á inauguración da exposición de máquinas ‘CoSar e cantar’. Ás 22 horas será o momento para Astarot. O sábado haberá artesanía e accións artísticas, catas de viños, showcooking co chef André Arzúa e a sumiller Nuria Quintela, ademais de propostas musicais e animación para os nenos. O domingo haberá pasarrúas, cabezudos e sesión vermú e Carlos Núñez pechará a programación cun concerto na colexiata.
