Un acto de vandalismo en Padrón suscitou indignación esta semana, tras a retirada e destrución dun sinal colocado na escola unitaria da Ponte como parte da campaña municipal polo 25N, Día Internacional da Eliminación da Violencia contra a Muller.
Líder Redacción
22 de noviembre de 2024 a las 11:41
O sinal, instalado o martes, foi deliberadamente cortado cunha tesoura e tirado nun contedor apenas unhas horas despois da súa colocación. A iniciativa formaba parte dun proxecto para visibilizar e sensibilizar á cidadanía sobre a importancia de loitar contra a violencia de xénero.
Desde o Concello, denunciaron a acción como «unha mostra de intolerancia e falta de respecto» cara a unha causa que afecta a toda a sociedade. O goberno local reafirmou o seu compromiso de recolocar os sinais e seguir impulsando actividades en centros educativos e espazos públicos, destacando que este tipo de actos non frearán os seus esforzos.
A campaña, que busca promover unha sociedade máis xusta e igualitaria, foi recibida con apoio por parte de veciños e colectivos sociais, que lamentaron este incidente e destacaron a necesidade de reforzar a educación e a concienciación no municipio.
Recibe las noticias en tu correo.
