O PSdeG de Lalín denunciou este xoves o mal estado no que se atopa a Rolda Leste, un vial que presenta un notable deterioro e unha crecente multiplicación de fochancas sen que, segundo os socialistas, exista ningunha solución á vista por parte do goberno municipal.
Líder Redacción
30 de enero de 2026 a las 14:20
A portavoz municipal socialista, Alba Forno, criticou a “falta absoluta de planificación e de vontade política” para arranxar esta infraestrutura, lembrando que o propio goberno local recoñece que a reparación integral da vía suporía un investimento superior aos 2,5 millóns de euros. Porén, tal e como subliñou, “ata o de agora non existe ningunha consignación orzamentaria nin se están a levar a cabo tarefas preventivas minimamente efectivas”.
Forno advertiu de que o estado da Rolda Leste supón un problema tanto para a seguridade viaria como para a imaxe da cidade, xa que se trata dun dos accesos máis transitados. “As fochancas aumentan día a día e o único que fai o Concello é mirar para outro lado”, asegurou.
Desde o PSdeG esixen actuacións inmediatas, cando menos de mantemento urxente, e reclaman un compromiso real do goberno municipal para incluír a reparación da Rolda Leste nos próximos orzamentos e poñer fin a unha situación que cualifican de “insostible”.
Recibe las noticias en tu correo.
