O grupo parlamentario do Partido Popular votou en contra da proposta presentada polo PSdeG para acometer unha reforma integral no centro de saúde de Padrón, cuxo orzamento ascende a 1.185.000 euros, segundo un informe do departamento de urbanismo.
Líder Redacción
30 de junio de 2025 a las 23:11
A iniciativa socialista, defendida no Parlamento de Galicia a pasada semana, tiña como obxectivo que a Xunta asumise de forma urxente as obras necesarias para dotar á vila dun centro sanitario en condicións dignas, tanto para a veciñanza como para o persoal sanitario.
Desde o PSdeG lamentan que o deputado padronés do PP, Ángel Rodríguez Conde, votase tamén en contra da proposta, malia coñecer de primeira man o deterioro das instalacións tras décadas sen mantemento.
O grupo socialista lembra que a sanidade é competencia da Xunta de Galicia, e insta ao Goberno galego a actuar de inmediato para garantir unha atención sanitaria adecuada na localidade.
Recibe las noticias en tu correo.
